3 Hoani 1:1 Na te kaumatua ki a Kaiu, ki te hoa aroha, ki taku e aroha atu nei i runga i te pono. 1:2 E te hoa aroha, nui atu i nga mea katoa taku inoi kia kake koe ki roto te ora, ka pera ano me tou wairua kua kake ki te pai. 1:3 ¶ Hari pu hoki ahau i nga teina i haere mai nei, i whakaatu mai mo nga teina te pono i roto ia koe, ara i tau haere i runga i te pono. 1:4 Kahore oku hari e nui atu ana i tenei, ara kia rongo ahau e haere ana aku tamariki i runga i te pono. 1:5 E te hoa aroha, pono tonu tau mahi e mea na koe ki nga teina; ki nga tangata ke; 1:6 I whakaatu na i tou aroha ki te aroaro o te hahi: ki te mea koe ki a wai kia rite tau mahi ki to ratou ara, ka pai tau mahi. 1:7 He whakaaro hoki ki tona ingoa i haere atu ai ratou, kihai ano i riro i a ratou tetahi mea Tauiwi. 1:8 Koia i tika ai kia whakamanuhiri tatou i nga tangata penei, kia ai tatou hei hoa mahi mo ratou te pono. 1:9 I tuhituhi atu ahau ki te hahi; kahore matou e manako ki a matou. 1:10 Mo konei ki te haere atu ahau, ka mahara ahau ki ana mahi e mahia nei e ia, e kauwhau ana ki nga kupu kino ki a matou: a kahore i makona ki era, kahore hoki e pena e manako ana ia ki nga teina, e riria ana hoki e ia te hunga e hiahia ana, a peia ana ratou ki waho o te hahi. 1:11 E te hoa aroha, kaua e whaia te kino, engari te pai. Ko ia tera e mahi ana i te pai, no te Atua ia: tena ko te tangata e mahi ana i te kino, kahore ano ia kia kite i te Atua. 1:12 E korerotia paitia ana a Rimitiriu e te katoa, e te pono ano hoki: ae ra e whakaatu ana ano matou; a e mohio ana koutou he pono ta matou whakaatu. 1:13 He maha aku mea hei tuhituhinga atu, heoi e kore ahau e pai kia tuhituhi atu ki te mangumangu, ki te pene koe: 1:14 Otira e mea ana ahau tera ahau e kite wawe ia koe, a ka korero taua, he mangai, he mangai. Kia tau te rangimarie ki a koe. Tenei o matou hoa te oha atu nei ki a koe. Oha atu ki o hoa ma to ratou ingoa.